Ndihmës Sekretari i Shtetit të Shteteve të Bashkuara të Amerikës për Çështjet Evropiane dhe Euroaziatike Xhejms O’Brajan qëndroi sot në Mal të Zi. Ai në fillim të vizitës bisedoi me zyrtarët më të lartë shtetërorë, në mesin e të cilëve edhe me kryeministrin Millojko Spajiq.
Pas takimit me O’Brajan, Spajiq tha se pret më shumë tregti, investitorë dhe turistë nga Amerika, ndërsa u deklarua se tema kryesore e bisedës me diplomatin amerikan ishte ekonomia. Ai theksoi se presin rezultate të mëdha nga dialogu.
