21.9 C
Tuzi
Friday, June 14, 2024

Takim bilateral mes Spajiq dhe Kurtit, diskutuan për projektet infrastrukturore që lidhin dy vendet

Në Kotor, kryeministri i Republikës së Kosovës, Albin Kurti, pati një takim bilateral me kryeministrin e Malit të Zi, Milojko Spajiq.

Fillimisht, ai e falënderoi homologun e tij për mikpritjen e mbrëmshme në darkën e liderëve dhe për organizimin e Samitit të Liderëve të Ballkanit Perëndimor dhe Bashkimit Evropian për Planin e Rritjes së BE-së.

Siç njofton Zyra e Kryeministrit, në takimin e tyre të parë dypalësh, kryeministri Kurti dhe kryeministri Spajiq biseduan rreth raporteve bilaterale ndërmjet Kosovës dhe Malit të Zi, për bashkëpunimin rajonal dhe atë në rrugën e përbashkët të integrimit evropian, si dhe për mundësitë për rritjen e shkëmbimeve tregtare dhe të përvojave në fusha të ndryshme.

Ata gjithashtu diskutuan edhe për projektet infrastrukturore që lidhin dy vendet, duke theksuar rëndësinë e tyre për qytetarët në të dy anët e kufirit”, vijon komunikata.

Lajmet e fundit
Related news