Mali i Zi dhe Republika e Maqedonisë së Veriut, dy vende mike që kultivojnë marrëdhënie bilaterale të mira dhe tradicionale prej vitesh, sot kanë nënshkruar Memorandumin e Bashkëpunimit në fushën e reformës së administratës publike.
Memorandumin e kanë nënshkruar ministri i Administratës Publike të Malit të Zi, z. mr Marash Dukaj, dhe ministri i Administratës Publike të Republikës së Maqedonisë së Veriut, z. Goran Minçev.
“Ky Memorandum është dëshmi se po ndërmarrim çdo veprim, si në planin e brendshëm ashtu edhe në atë ndërkombëtar, që administrata publike të integrojë në mënyrë efikase risitë në proceset e saj dhe të mos jetë më një sfidë, por një udhëheqëse e të gjitha ndryshimeve shoqërore. Së bashku mund të punojmë më mirë dhe të arrijmë më shumë”, theksoi me këtë rast ministri Dukaj.
