Ministri i Administratës Publike, Marash Dukaj, prezantoi sot studimin “Vlerësimi i zhvillimit të administratës elektronike në njësitë e vetëqeverisjes lokale në Mal të Zi”, i realizuar me mbështetjen e Bashkimit Evropian dhe në bashkëpunim me UNOPS dhe UNDP.
Gjatë prezantimit, ministri Dukaj theksoi se digjitalizimi nuk është vetëm një proces teknik, por një themel i administratës publike moderne.
“Qëllimi ynë është të ndihmojmë vetëqeverisjet lokale të përballen me sfidat dixhitale dhe të përmirësojnë efikasitetin dhe transparencën në shërbime”, theksoi ai.
Ministri shtoi gjithashtu se Ministria e Administratës Publike është e gatshme të ndajë njohuritë dhe përvojën me të gjitha komunat që synojnë ndërtimin e një administrate lokale të fuqishme dhe bashkëkohore.
