Zëvendëskryeministri i Qeverisë dhe ministri i Zhvillimit Ekonomik, Nik Gjeloshaj, me rastin e Ditës Kombëtare të Malit të Zi në EXPO 2025 në Osaka, ka theksuar se ndikimi i EXPO 2025 në Mal të Zi do të jetë shumë pozitiv.
Kjo, sipas Gjeloshaj, duke ofruar mundësi për nxitjen e turizmit, tërheqjen e investimeve të huaja, përmirësimin e zhvillimit industrial, promovimin e teknologjive të gjelbra dhe rritjen ekonomike, si dhe kultivimin e një ekonomie të begatë.
“Ky është një hap i fuqishëm drejt vendosjes së Malit të Zi si një lojtar kyç rajonal në nxitjen e lulëzimit ekonomik, promovimin e inovacionit, përmirësimin e standardit të jetesës dhe hapjen e dyerve për një mori mundësish që do të kontribuojnë në zhvillimin e vendit”, tha ai.
Sipas Gjeloshaj, një dëshmi konkrete e përkushtimit tonë ndaj suksesit të përbashkët në EXPO 2025 është edhe prania e delegacionit malazez, i kryesuar nga kryeministri Millojko Spajiq, në kremtimin e Ditës Kombëtare, si dhe Forumi i ardhshëm i Biznesit mes afaristëve malazezë dhe japonezë.
