Të nderuar qytetarë,
Komuna e Tuzit me mbështetjen e delegacionit të Bashkimit Evropian në Mal të Zi, nëpërmjet projektit “Komunat për BE”, ka kënaqësinë t’ju ftojë të merrni pjesë në aktivitetin festiv me rastin e shënimit të Ditës së Evropës, që do të mbahet në sheshin “Gjergj Kastrioti – Skënderbeu” në Tuz, të mërkurën më 28 maj 2025 me fillim në ora 10:00.
Ky aktivitet do të jetë një mundësi për të promovuar produktet vendase, ku do të marrin pjesë artizanë me punimet e tyre tradicionale.
Po ashtu, me këtë rast do të bëhet edhe hapja zyrtare e Eko Parkut për fëmijë, një hapësirë e re dedikuar argëtimit dhe zhvillimit të shëndetshëm të më të vegjëlve.
Të pranishmit do të përshëndeten nga Kryetari i Komunës, z. Lindon Gjelaj si dhe ambasadori i Bashkimit Evropian në Mal të Zi, z. Johan Satler.
Ju ftojmë që të bëheni pjesë e këtij organizimi të veçantë, ku nuk do të mungojnë muzika, argëtimi dhe atmosfera festive.
Mirë se vini!
