Detyra më e rëndësishme për Malin e Zi është të mbështesë gjithçka që bën kryeministri, tha i dërguari i Uashingtonit për Ballkanin Perëndimor, Gabriel Escobar, në një intervistë për Radion Evropa e Lirë.
Kjo qeveri e Malit të Zi është ende shumë e re. Edhe si e tillë, ajo ka bërë përparim të jashtëzakonshëm drejt BE-së. Ajo ka bërë përparim të madh në krijimin e themeleve për një rrugë të begatë drejt Perëndimit dhe anëtarësimit në BE. Tani detyra më e rëndësishme për Malin e Zi është të mbështesë gjithçka që bën kryeministri, tha Escobar.