Komuna e Tuzit ka nisur realizimin e projekteve të rëndësishme infrastrukturore që në fillim të këtij viti, duke ndërmarrë hapa konkretë për përmirësimin e kushteve të jetesës për qytetarët.
Me këtë rast, është nënshkruar kontrata për asfaltimin e rrugëve lokale në territorin e komunës, në vlerë prej 256.568,40 euro (me TVSH).
Kryetari i Komunës së Tuzit, Lindon Gjelaj, theksoi se Komuna do të vazhdojë me investime të qëndrueshme dhe projekte zhvillimore në të mirë të qytetarëve.
“Komuna e Tuzit mbetet e përkushtuar në zhvillimin dhe investimet në interes të qytetarëve tanë,” deklaroi kryetari Gjelaj.
