Sipas anketës më të fundit të opinionit publik, të realizuar nga agjencia Stars Up në periudhën 19 – 31 maj 2025, dy vite pas zgjedhjeve parlamentare të vitit 2023, opsionet politike shqiptare në Mal të Zi gëzojnë tashmë 5.3% të mbështetjes qytetare.
Ky rezultat përfaqëson një rritje të dukshme në krahasim me ciklet e mëparshme zgjedhore, dhe një shenjë të qartë të forcimit të pozitës së shqiptarëve në skenën politike të vendit.
Analistët politikë e shohin këtë tendencë si reflektim të një angazhimi më të madh të subjekteve shqiptare në procese vendimmarrëse, si dhe të besimit në rritje të qytetarëve shqiptarë në përfaqësuesit e tyre politikë.
