Me rastin e 6 Prillit, Ditës së Kryengritjes së Malësisë së vitit 1911, Komuna e Tuzit organizoi një aktivitet kulturo në Qendrën për Kulturë “Malësia” në Tuz.
Në hapje të këtij manifestimi, fjalën përshëndetëse e mbajti z. Ivan Ivanaj, Nënkryetar i Komunës së Tuzit, i cili theksoi rëndësinë historike të kësaj date për identitetin dhe qëndresën e Malësisë. Më pas, me një ligjëratë historike u paraqit Akademik Muhamet Mala, i cili vuri në pah kontributin e Dedë Gjon Lulit dhe malësorëve në lëvizjen për çlirim.
Programi vazhdoi me një pjesë artistike të pasur, ku performuan:
• Këngëtarët Besiana Mehmeti & Shkodran Tolaj
• Ansambli folklorik autokton “Rugova”
• Shoqëria Kulturore Artistike “Dedë Gjon Luli”
• Shoqëria Kulturore Artistike “Koha”
Ky aktivitet u zhvillua në frymën e nderimit të trashëgimisë historike dhe kulturore të Malësisë, duke sjellë emocione dhe krenari tek të pranishmit.
