14.8 C
Tuzi
Wednesday, October 8, 2025

Kajoshaj: Kam propozuar Kuvendit që Nikollë Nikprelaj të shpallet Qytetar Nderi

Kryetari i Kuvendit të Komunës së Tuzit, z. Fadil Kajoshaj, ka bërë sot propozimin Kuvendit që, me rastin e 50-vjetorit të karrierës së artistit të mirënjohur Nikollë Nikprelaj, ai të shpallet Qytetar Nderi i Komunës së Tuzit.

Nikollë Nikprelaj është emër që ka lënë gjurmë të pashlyeshme në skenën tonë muzikore dhe kulturore. Me zërin, këngët dhe dashurinë e tij për Malësinë, ai ka ruajtur dhe promovuar vlerat tona kombëtare, duke na përfaqësuar me dinjitet kudo ku ka kënduar.

Ky vlerësim simbolik është një shenjë mirënjohjeje për kontributin e tij të jashtëzakonshëm ndër vite dhe një urim i veçantë për këtë jubile të rëndësishëm të jetës dhe veprimtarisë së tij artistike.

Urime Nikollës për 50-vjetorin! Faleminderit për gjithçka ke bërë dhe vazhdon të bësh për komunitetin tonë thuhet në njoftimin e Fadil Kajoshaj, Kryetar i Kuvendit të Tuzit.

Lajmet e fundit
Related news