Home Kryesore Forumin Shqiptar gjithmonë do të mbështesin vetëm ato projekte që shkojnë në rrugën e sigurt evropiane të Malit të Zi

Forumin Shqiptar gjithmonë do të mbështesin vetëm ato projekte që shkojnë në rrugën e sigurt evropiane të Malit të Zi

0
Forumin Shqiptar gjithmonë do të mbështesin vetëm ato projekte që shkojnë në rrugën e sigurt evropiane të Malit të Zi

Lideri i Forumit Shqiptar, Nik Gjeloshaj, ka bërë të ditur se nuk ka mundur të marrë pjesë në takimin e sotëm me presidentin e vendit, Jakov Millatoviq, për shkak të angazhimeve të tij të mëparshme. 

Në përgjigjen e tij drejtuar Millatoviqit, ai tha se Forumi Shqiptar do të mbështesë të gjitha projektet që shkojnë në rrugën e sigurt evropiane të Malit të Zi, por gjithashtu tha se integrimi në BE nuk duhet të përdoret për promovime personale dhe partiake. 

Ai thotë se rruga jonë evropiane nuk ka alternativë dhe se e gjithë shoqëria jonë duhet të fokusohet dhe të kontribuojë që Mali i Zi të bëhet anëtar i BE-së deri në vitin 2028. 

“Forumi Shqiptar, si subjekt që përfaqëson shqiptarët në Mal të Zi dhe ka mbështetjen më të madhe të shqiptarëve, është shumë i interesuar për bashkëpunim me të gjithë aktorët e skenës sociale që Mali i Zi të mbetet në fokusin e integrimeve evropiane”, ka thënë Gjeloshaj. 

Për këtë temë, siç thotë ai, në Forumin Shqiptar janë gjithmonë të gatshëm të kontribuojnë dhe gjithmonë do të mbështesin vetëm ato projekte që shkojnë në rrugën e sigurt evropiane të Malit të Zi. 

“Për shkak të angazhimeve të mia nuk mund të marr pjesë në takimin e sotëm. Unë si individ i përgjegjshëm dhe ne si subjekt serioz politik kryejmë me saktësi, korrektësi dhe përkushtim të gjitha detyrat dhe obligimet tona profesionale, kështu që do të ishte e pamundur dhe joparimore shmangia e detyrimeve të ndërmarra më parë për shkak të një takimi të organizuar, mund të themi me siguri, sipas një procedure “ad hoc”.

“Gjithashtu, dua të theksoj se procesi i integrimit në BE nuk duhet të përdoret për promovime personale dhe partiake dhe sidomos për të mos krijuar një spektakël të tillë mediatik rreth tij”, tha kreu i Forumit Shqiptar.

Forumi Shqiptar, siç thotë ai, mbetet i hapur për organizimin e një takimi në periudhën e ardhshme në kontakt me kabinetin e Millatoviqit dhe në koordinim me kabinetin e Forumit Shqiptar.

“Me koordinim koherent dhe preciz të kabineteve tona, duke ditur paraprakisht vendin, kohën, temën dhe të gjitha detajet e tjera, ne jemi të gatshëm të bashkëpunojmë dhe të japim dorën e mbështetjes për të arritur qëllimet tona evropiane”, tha Gjeloshaj. 

Forumi Shqiptar, siç thotë ai, kërkon dialog dhe nxit bashkëpunimin dhe partneritetin e ndërsjellë për të integruar sa më shpejt shoqërinë tonë në familjen e madhe europiane. 

“Për BE-në dhe vetëm për BE-në! Me shpresën se në një të ardhme të afërt do të organizohet një takim sipas standardeve evropiane në mes të kabinetit tuaj dhe kabinetit tonë, ju përshëndes përzemërsisht dhe ju uroj fat në takimin e sotëm”, ka përfunduar Gjeloshaj.