Mobilieri në Eko Parkun pranë Shkollës së Mesme të Përzier “25 Maji” është shkatërruar plotësisht për herë të dytë brenda një periudhe shumë të shkurtër.
Ky park, i cili u hap në fund të muajit maj, është ndërtuar me një investim prej rreth 600 mijë eurosh. Tani, stolat janë thyer dhe shkulur, lodrat rrotulluese janë dëmtuar, ndërsa atriumi prej druri është dëmtuar rëndë – me pjesë të copëtuara dhe bulona që dalin nga konstruksioni.
