Po dërgojmë një mesazh të qartë se komunat e Malit të Zi po hyjnë në një epokë të re bashkëpunimi, në të cilën komunikimi digjital bëhet themeli i një administrate publike efikase dhe moderne, deklaroi ministri i Administratës Publike, z. Marash Dukaj, me rastin e nënshkrimit të Marrëveshjes për bashkëpunim ndërkomunal.
Ministria e Administratës Publike, në bashkëpunim me Zyrën e Kombeve të Bashkuara për Shërbime të Projekteve (UNOPS), organizoi një ngjarje me rastin e nënshkrimit të Marrëveshjes për bashkëpunim ndërkomunal, me të cilën sigurohet qasja e përbashkët në Shërbimin unik për shkëmbimin elektronik të të dhënave (JSERP). Ngjarja përbën vazhdim të projektit “Transformimi digjital i vetëqeverisjeve lokale në Mal të Zi”.
“Ngjarja e sotme konfirmon se Mali i Zi ka kapacitet për zbatimin e reformave moderne, evropiane dhe të përgjegjshme, të bazuara në partneritet, dije dhe vizion të përbashkët”, theksoi ministri Dukaj.
