Regjistrimi në Mal të Zi do të mbahet prej më 1 nëntor, ndërsa javën e ardhshme do të prezantohet metodologjia për kryerjen e regjistrimit, me të cilën është informuar EUROSTAT-i, tha Snezhana Remikoviq, ndihmës-drejtoreshë e Drejtorisë për Statistika.
Ajo theksoi për programin e mëngjesit se qytetarët duhet t’i përgjigjen të gjitha pyetjeve dhe se parashihen gjoba nga njëqind deri në 500 euro si për qytetarët ashtu edhe për regjistruesit e pandërgjegjshëm. Remikoviq u bëri apel të gjithë të interesuarve që të aplikojnë për regjistrues sepse aktualisht ka mungesë të të interesuarve në nëntë komuna.
Puna e regjistruesit paguhet për fletë dhe në varësi të sasisë së të dhënave grumbulluara, aq do të fitojë.
