Tre të rinj shqiptarë që ishin nisur drejt Gjermanisë, janë rrahur sot në mënyrë barbare në Mal të Zi.
Sapo kanë zbritur nga trageti në Kotorr, shqiptarët raportohet se janë rrahur nga tetë persona civilë të veshur me veshje ushtarake.
Ngjarja ka ndodhur rreth orës 13:30 të kësaj të shtune. Sipas informacioneve paraprake, ata janë goditur barbarisht me grushte e shkelma nga persona ende të paidentifikuar.
Njëri prej tyre ndodhet në gjendje më të rëndë shëndetësore dhe për momentin po merr ndihmë mjekësore në urgjencën e spitalit në Mal të Zi, shkruan Euronews Albania.
Shqiptarët nuk kanë shkëmbyer asnjë fjalë me personat që i kane nxjerrë me forcë nga makina dhe rrahur, prandaj nuk dihet nacionaliteti i tyre.
Të afërmit e tyre kanë kërkuar ndihmë nga policia shqiptare.
Ministria e Brendshme ka njoftuar se ministri Balla ka kontaktuar me ministra të Qeverisë së Malit te Zi dhe ka kërkuar informacion në lidhje me ngjarjen e ndodhur.
