Me mbështetje financiare nga Bashkimi Evropian, në kuadër të programit Interreg IPA Adriatik Jugor 2021–2027, po zbatohet një projekt që synon përmirësimin e transformimit digjital dhe zhvillimin e aftësive dhe kapaciteteve inovative në zonën e Adriatikut Jugor.
Projekti zbatohet në bashkëpunim ndërmjet partnerëve nga Italia, Shqipëria dhe Mali i Zi. Në kuadër të tij, partnerët do të analizojnë nevojat ekzistuese, do të forcojnë kapacitetet dhe do të testojnë zgjidhje digjitale në kontekste reale, me qëllim mbështetjen e tranzicionit digjital dhe zhvillimit të qëndrueshëm në rajon.
Një nga rezultatet kryesore të projektit do të jetë zhvillimi i një Platforme Bashkëpunuese për Transformim Digjital të Qëndrueshëm, e cila do të shërbejë për shkëmbimin e njohurive, mjeteve të përbashkëta dhe zgjidhjeve praktike ndërmjet aktorëve të përfshirë në zonën e Adriatikut Jugor.
