Komisionarja evropiane për Zgjerim, Marta Kos, deklaroi më 16 dhjetor në Bruksel se Mali i Zi nuk ka qenë kurrë më afër anëtarësimit në Bashkimin Evropian (BE).
Ajo e bëri këtë deklaratë pas Konferencës Ndërqeveritare me BE-në, e mbajtur të martën, gjatë së cilës Mali i Zi mbylli pesë kapituj negociues në procesin e anëtarësimit. Kapitujt e mbyllur janë:
- Kapitulli 3 – E drejta e themelimit dhe liria e ofrimit të shërbimeve,
- Kapitulli 4 – Liria e lëvizjes së kapitalit,
- Kapitulli 6 – E drejta e shoqërive tregtare,
- Kapitulli 11 – Bujqësia dhe zhvillimi rural,
- Kapitulli 13 – Peshkimi.
Në këtë kuadër, u theksua se tre nga këta kapituj u mbyllën nën përgjegjësinë e Ministrisë së Zhvillimit Ekonomik, të udhëhequr nga ministri Nik Gjeloshaj, duke u vlerësuar si një kontribut i rëndësishëm në avancimin e procesit integrues të Malit të Zi drejt BE-së.
